【香港印象】覆蓋記認的指示 珪藻土 吸水 杯墊

__產品故事__ 昔日紙皮石拼砌嘅圖案，除咗作為logo同美觀嘅裝飾，有時仲包含咗實際嘅指示用途。例如好耐之前見過呢個標記停車場入口嘅石牆裝飾，簡單得意之餘又可以做到清晰嘅指示，舊時嘅設計，永遠一舉多得。 呢排間唔時都會同大家玩吓估地方，因為被疫情耽誤嘅呢幾年先慢慢發現原來呢個城市，唔好話山旮旯，其實好多地方都從來未去過、又甚至連喺邊都未知。諗起曾經去旅行時見過外國人同鄉會爭論自己國家城市邊度打邊度，又或者我哋分分鐘清楚台北東京倫敦嘅地區座標仲多過香港本身，然後不禁諗，究竟係我哋嘅成長唔需要我哋去認識我哋嘅城市？定係，我哋真係一直都將佢忽略？就好似今次嘅主角秦石，個名搭車呀剩就聽得多，但嗰個area除咗新年去拜拜車公，就真係從來冇踏足過。佢原名叫沙田頭？秦石個名原來同秦始皇有挐掕？唔使腦霧，認知都從來係零。 再然後一夕之間，突然又開關，先發現被困咁耐都未好好遊歷吓自己嘅屋企。於是某日的起心肝平生第一次踏足秦石，攞住塊成品想去搵返實物，結果熱焫焫行咗幾個圈，「冇咗嘅喂！」嗰刻先發現好多嘢你總以為遲啲仲有機會慢慢去認識，但到你想搵嘅時候，可能已經唔再存在。 好彩皇天不負有心人，嗰日最後喺個隱蔽嘅角落，總算見得返，至少一次咁多。 好多舊時嘅圖案設計都開始被覆蓋翻新，但日漸消失或者都係一種指示，想認識、想記低嘅事，永遠唔好做得太遲。 __材料：__ 珪藻土 __尺寸：__ 10.4 X 10.4 (CM) 香港設計 、 台灣製造 **螢幕與實體商品可能會有色差，請以收到商品實際顏色為準。**