Anti-itch 極速防蚊止痕滾珠精油10ML

__**Spring Aroma 天然滾珠精油**__ 蘊含歐盟認證純天然有機植物精油，配搭冷壓植物油，讓你溫和地直接使用於肌膚。採用滾珠裝設計，方便隨身攜帶使用，同時可刺激穴位，屬於芳香療法的一環。 https://upload.cc/i1/2023/05/21/lr8nip.jpeg __**Anti-itch 極速防蚊止痕滾珠精油10ML**__ 呢個配方係出自為左幫自己急救。話說我屋企經常好多蚊，天氣開始暖但又未到夏天，坐係廳到食飯已經會feel到呢度痕果度痕，訓教亦都係，仲會聽到噏噏聲。有時殺到就安樂一晚，殺唔到就好可能會繼續比佢偷襲。 但如果經常咬到一粒粒腫哂，係好滋擾作息。細個我會搽無比膏，大個就好少用，通常等佢自己唔痕就算，所以屋企有支過左期好耐。唔知係啲蚊唔同左定我體質敏感左，而家比蚊咬往往會發到好大粒，所以我都忍唔住要整啲野幫自己止痕消腫。 呢個特質既精油好多，向住呢個方向，我試左不同配搭。以前聽人講薰衣草好萬能，止痕消腫消炎樣樣掂，但係精油效果因人而異，我試完就發現對我黎講根本就係吹大左。冇錯佢可以協助到呢幾點，但係佢特性係好多元、是為最溫和既精油，所以亦都好自然地冇咁強勁有效率，所以我呢啲心急人就揀左幾隻快速止痕消腫既精油同植物油去做呢個配方。 點解要用佢？因為台版同日版既無比膏都有類固醇，而且我今次加左金盞花浸泡油，大家都知金盞花係消炎既好手，配合綠薄荷同埋自家配方，更有效地幫手止痕去蚊爛。包裝仍然係滾珠裝，方便使用。 所有原料都係歐盟有機認證既來源，大人小孩孕婦均可放心使用。 __**主要成分**__ 綠薄荷精油、金盞花浸泡油及自家有機精油秘方 __**使用方式**__ 塗抹於患處 __**注意事項**__ ✦開封後請儘速使用完畢。 ✦本產品為純天然產品，有機會因存放不當而變質，請置於陽光無法直射的陰涼處、幼兒和寵物無法接觸的地方。 ✦每次使用後請立即扭緊瓶蓋，以免精油氧化。 ✦不可直接點火或接近火源。 ✦蠶豆症患者或對堅果敏感者，請勿使用。雖然產品為純天然成分，但不建議用於臉上，皮膚容易過敏者亦建議在手臂內側先測試，沒有不良反應才使用。 __**All About ——Spring Aroma**__ https://upload.cc/i1/2023/05/21/w47Mgx.png 在都市生活中，多少心神耗費在事業、家庭，多少心機都花在繁瑣事務。因為生活，反而漸漸遺忘生活的基調——當感到身體不平衡，我們應該休息；當身體有症狀，就是它有話兒想我們聆聽。 有機天然植物芳療是種柔和的方式，關懷我們總是遺忘了卻又對我們不離不棄的生活好伙伴——身體，Spring Aroma 針對都市人常見症狀，精選相應療效的植物精油，配合芳療級植物基底油，讓植物把春天帶回你我身上，回到原點。 身心每個需求，都值得被你我聽見。生活的基調，在於善待自己。Spring Aroma伴你一起回到生活本應的美好。 **Let's spring to life:)**