產品故事
Icon，代表嘅意思，啫一講就會令你諗起某啲嘢。每個種類都總有icon，屋邨都唔例外，而要數表表者，蘇屋邨，肯肯定當之無愧。
蘇屋邨，1960年落成，重建前已經跨越半世紀，位處尖山之下，地理上近乎係香港嘅中心點，孕育過唔少社會精英名人，亦係幾代港人聽過講過經過嘅地區座標，甚至地鐵最初期規劃、長沙灣站原名就係叫蘇屋，除咗係最初代嘅公共屋邨，都算係最經典之一。
而有留意開我哋可能都會發現，蘇屋嘅特色經常喺我哋嘅創作之中出現。唔好誤會，我哋其實唔喺嗰區大，只係鍾情於蘇屋散發嘅嗰份「香港味」，因為佢就好似見證呢個城市嘅一本活字典，同撈同煲嘅成長、清拆修復嘅承傳。今日行入新嘅蘇屋，依然會見到昔日嘅牌匾、燕子亭、通風牆，時代進化、唔代表就要任由從前嘅歷史文化消失。雖然，今次嘅主角：舊蘇屋嘅石仔地圖，因為座向重劃並冇成為留低嘅一部份，但見返依然可以令曾經喺入面有過記憶嘅人，諗得起昔日嘅模樣；又甚至，上面一座座相同嘅樓名，都只係換咗個模式繼續流存。畢竟時代變遷，再唔捨得嘅嘢都未必留得低，但至少有個icon會永遠留喺你嘅心中，就算幾年後可能咩都變晒，但存在過嘅座標始終唔會變。
又或者，都好似地圖本身，唔會教你條路要點行，眼前同以前一樣又好、變晒都好，都要靠自己，去行好每個下一步。
材料：
珪藻土
尺寸：
10.4 X 10.4 (CM)
香港設計 、 台灣製造
螢幕與實體商品可能會有色差，請以收到商品實際顏色為準。
Icon，代表嘅意思，啫一講就會令你諗起某啲嘢。每個種類都總有icon，屋邨都唔例外，而要數表表者，蘇屋邨，肯肯定當之無愧。
蘇屋邨，1960年落成，重建前已經跨越半世紀，位處尖山之下，地理上近乎係香港嘅中心點，孕育過唔少社會精英名人，亦係幾代港人聽過講過經過嘅地區座標，甚至地鐵最初期規劃、長沙灣站原名就係叫蘇屋，除咗係最初代嘅公共屋邨，都算係最經典之一。
而有留意開我哋可能都會發現，蘇屋嘅特色經常喺我哋嘅創作之中出現。唔好誤會，我哋其實唔喺嗰區大，只係鍾情於蘇屋散發嘅嗰份「香港味」，因為佢就好似見證呢個城市嘅一本活字典，同撈同煲嘅成長、清拆修復嘅承傳。今日行入新嘅蘇屋，依然會見到昔日嘅牌匾、燕子亭、通風牆，時代進化、唔代表就要任由從前嘅歷史文化消失。雖然，今次嘅主角：舊蘇屋嘅石仔地圖，因為座向重劃並冇成為留低嘅一部份，但見返依然可以令曾經喺入面有過記憶嘅人，諗得起昔日嘅模樣；又甚至，上面一座座相同嘅樓名，都只係換咗個模式繼續流存。畢竟時代變遷，再唔捨得嘅嘢都未必留得低，但至少有個icon會永遠留喺你嘅心中，就算幾年後可能咩都變晒，但存在過嘅座標始終唔會變。
又或者，都好似地圖本身，唔會教你條路要點行，眼前同以前一樣又好、變晒都好，都要靠自己，去行好每個下一步。
材料：
珪藻土
尺寸：
10.4 X 10.4 (CM)
香港設計 、 台灣製造
螢幕與實體商品可能會有色差，請以收到商品實際顏色為準。