【香港印象】背靠良光 聖約翰之光 壓克力花紋手機架

__產品故事__ 距離，可以係人同人之間，亦可以係時代同時代。 「有冇嘢可以永恆？」，大概呢個問題先係最永恆。細個覺得time capsule好浪漫，喺不斷變嘅世界之下，佢留住咗唯一相信唔會變嘅嘢。後嚟科技進步，我哋希望好多嘢可以從此保留：曾經日日寫嘅日記、曾經日日睇嘅新聞、曾經日日share嘅社交平台內容……。不過原來，時候到，都會有句號。曾經以為手機破土而出，我哋終於可以輕易擁有time capsule，但太易得到嘅，其實都唔會永恆。科技太快，時日太快，係唔係代表希望都一樣嚟得快、去得快、變得快？ 或者，我哋都太依賴希望，而唔記得佢同相信嘅距離。如果時代轉變可以帶走好多希望，我哋相信善良可以帶到更多時代。即使世界唔再浪漫、就算潮流愈轉愈快，我哋都可以擔當time capsule去流傳，直到某日由架上拎起唔知幾多代後嘅手機，甚至有一日架上放嘅再唔係手機，只要太陽升起，光影依然不變。時代距離再遠，都要相信善良會永恆流傳。 彩玻璃花紋取材自中環聖約翰座堂，建於開埠之初，有近180年歷史，係香港最早嘅基督教教堂，而座落嘅位置亦係全港唯一擁有永久業權嘅土地，將信仰同信念，世代相傳。 __材料：__ 透明壓克力 厚度3mm __尺寸：__ 7x10 (cm) 底座7x8 (cm) 厚度3（mm） 香港設計 、 台灣製造 **螢幕與實體商品可能會有色差，請以收到商品實際顏色為準。**